Síðastliðinn föstudag héldu Gæðingarnir fjórir í sannkallað „roadtrip“. Fyrr í vikunni hafði grænmetisbúllan Maður lifandi orðið fyrir valinu og þó svo að allir Gæðingarnir hlaupi fáránlega hratt ákváðu þeir að fara á útúrtjúttaða kókaínbílnum hans Eyþórs í Borgartúnið þar sem Maður lifandi er til húsa. Viðurkennast verður að vissar efasemdir leyndust í hugum Gæðinganna þar sem álíka grænmetisstaðir hafa áður leikið þá grátt. Annað átti þó eftir að koma á daginn!

Staðurinn sjálfur er mjög snyrtilegur og auk veitingastaðarins er þar einnig að finna mat-vöruverslun sem selur einungis lífrænt ræktaðan mat, hippum og konum til ómældrar ánægju. Fór ágætlega um Gæðinganna á staðnum en fyrir þá sem vilja forðast skarkala hverdagsins má finna á neðri hæðinni algeran sælureit þar sem stemningin er róleg og sætin þægilegri. Það var þó eitt sem fór virkilega fyrir brjóstið á fjórmenningunum en það var ruddalegt skilti sem á stóð að gestir ættu sjálfir að ganga frá eftir sig. Svo misboðið var Gæðingunum að litlu mátti munu að þeir stormuðu út. Þeir létu þó skylduverkin ganga fyrir en staðurinn fær stóran mínus fyrir þennan skort á þjónustu.

Af matnum að segja þá kom hann skemmtilega á óvart. Síðast þegar snætt var á álíka stað voru viðbrögðin misjöfn en það gengur allir sáttir frá þessari máltíð. Bergur Baquette fékk sér kjúklingavefju og lét vel að henni, Eyþór og Kristján fengu sér kjúklingaburrito sem ku hafa bragðast guðdómlega og Ellert skellti sér á salat ásamt súpu dagsins. Súpan olli að vísu von-brigðum og var salatið og súpan alltof hátt verðlagt og það fylgdi ekki brauð með. Hinsvegar voru hinir réttirnir á sanngjörnu verði. Staðurinn fær toppeinkunn fyrir „le digestion“ því máltíðin var létt í maga og auðmelt.

Enn og aftur fylgir fræga fólkið Matgæðingunum í hverju spori og var það einnig tilfellið með Maður lifandi. Svo virðist sem rjóminn af þotuliði borgarinnar sé ætíð saman kominn þar sem Gæðingarnir snæða enda reynir það ætíð að fylgja þeim fersku straumum sem um þá leika. Í þetta sinn var það poppmógúllinn og sjónvarps- og útvarpsgoðið Dr. Gunni sem fylgdist með fjórmenningunum að störfum en það endurspeglar gjarnan orðstír staðarins ef frægir borða þar að staðaldri.

Semsagt, toppstaður með ferskan, hollan og ljúffengan mat sem er í flestum tilfellum á sanngjörnu verði.

Gæðingarnir gáfu:

Bergur Baquette: Fjórar
Eyþór Eðall: Þrjár og hálf
Kristján Cowell: Þrjár og hálf
Prins Ellert: Þrjár

Föstudaginn þann 8. september gengu Gæðingar fjórir ásamt manni einum upp Laugarveginn. Miðvikudaginn þar á undan hafði tiltekið Prik orðið fyrir valinu sem næsta fórnarlamb Gæðingafermenninganna. Við innkomu mætti okkur sterkur sígarettufnykur og hlæjandi listaspírur með expresso bolla. Fannst Gæðingunum heldur fjölmennt þarna inni þar sem flestir matsölustaðir rýma sitt svæði fyrir þessa heimsþekktu Gæðinga. Það var greinilega ekki tilfellið. Þessir þokkafullu Gæðingar létu það þó ekki á sig fá og gengu í gegnum reykjaveggin eins og
Casper, í bíómyndinni Casper.

Gæðingarnir fóru upp stiga þar sem neðri hæð þessa Priks var algerlega yfirfull. Þegar þeir komu upp snerist þeim skyndilega hugur, þetta var ekki það sem þeir vildu. Þeir hættu við, fóru út. Fegnir voru þeir að hafa komist út, þeir léku ekki ennþá aðalhlutverkið í þessari listaspírusígarettuhryllingsmynd.

Ákveðið með le"spontant" hugmyndafræði að Sólon yrði mældur og metin í stað Priksins langa.

Greinilegt var að Sólon hafði komist að því að Gæðingarnir höfðu ætlað að borða í grendinni því þeir höfðu nánast algerlega tæmt sinn í stað í þeirri veiku von að Gæðingunum myndi snúast hugur.

Heldur kalt var þarna inni en einstaklega smekklegt. Gæðingarnir fengu strax þjónustu og mælti afgreiðsludaman erlent tungumál. Ekki kom það þó að sök þar sem allir Gæðingarnir ásamt gestadómara eru hrottalega miklir málamenn og hikuðu ekki við að ræða við þessa erlendu föngulegu stúlku.

Þjónustan var snörp, það leið ekki á löngu þar til Gæðingarnir ásamt gestadómara voru komnir með mat fyrir framan sig. Gestadómarinn Jóhann Gísli eða "JoHannes" var að koma með Gæðingnum núna í þriðja skiptið og því er óhætt að segja að maðurinn hafi nokkuð til síns máls er hann ræðir um mat.

Allir Gæðingar og Gestadómari nema lúmskur Eyþór fengu sér hamborgara. Eyþór fékk sér Kjúklinga burrito. Ekki voru Gæðingar sáttir þegar þeir komust að því að hamborgarabrauðið var kalt nokk og greinilegt að ekki hafi mikið verið lagt í að gera hamborgarann sem girnilegastan. Lítð var um salat og allt sósukyns sem var sett á hamborgarann um hann miðjan og ekkert slíkt til hliðanna. Eyþór var þó sáttur með sitt Burrito. Kristján Cowell var hins vegar ekki sáttur með þær franskar kartöflur sem skammtaðar honum voru enda voru þær margar hverjar litlar og of mikið steiktar. Allt starfsfólk þarna var af erlendum Bergi brotið og féll það ekki í kramið hjá fimmmenningunum. Auðvitað taka Gæðingarnar ekki pólitíska afstöðu í innflytjendamálum enda algerlega óháðir, en þeim finnst heldur mikið þegar gjörvalt le "staff" er fætt og uppalið í erlendu landi.

Verðlagið var heldur ekkert til þess að hrópa húrra fyrir og er alveg augljóst að fólk haldi að Gæðingar fái borgað fyrir störf sín en það er ekki raunin.

Stjörnugjöf var eftirfarandi:

Bergur Baguette - 1/2 stjarna
Eyþór Eðall – 2 stjörnur
Prins Ellert – 1,5 stjarna
Kristján Cowell – 1 stjarna

Gestadómari JoHannes – 1,5 stjarna

Síðastliðinn föstudag klukkan nákvæmlega 11:05 að staðartíma skunduðu Matgæðingarnir glaðir í bragði úr heimkynnum sínum við Lækjargötu. Tilgangurinn var að meta og mæla enn einn skyndibitastað miðborgarinnar íbúum hins siðmenntaða heims til ómældrar ánægju. Dráttarvél gæðinganna ákvað að þeir skyldu halda í langferð, alla leið að hlemmi. Nei, ekki til að heimsækja Lalla Johns og hina ógæfumenn höfuðborgarinnar (þó að þeir láti sér auðvitað annt um þá). Heldur til þess að hitta frægasta ítalsk-ættaða-dvergvaxna-hollywood-leikara allra tíma, Danny DeVito. Herra Devito hefur lengi verið aðdáandi Matgæðinganna (hann mun einmitt leika Prins Ali í Matgaedingarnir: The Movie sem verður frumsýnd seint á næsta ári) og var því himinlifandi yfir því að gæðingarnir væru á leiðinni á litla flatbökustaðinn hans Devitos.
Staðurinn var tómur þegar gæðingarnir gengu inn og pöntuðu þeir sér allir hádegistilboð sem samanstendur af 9 tommu pizzu og hálfum lítra af gosi á kostnaðarverði eða aðeins 600 krónur. Þess ber að geta að enginn piltanna pantaði sama álegg á flatbökuna. Biðin eftir pizzunum var þónokkuð löng en spennandi samræður gæðinganna björguðu því. Það var þó ekki liðinn langur tími þegar að strákarnir sáu sölumann djöfulsins við iðju sína. Já, þetta var stöðumælavörður að sekta hjálparlausan bíl. Besti vinur allra dýra og véla, Eysi Eðall hljóp út til að setja smápening í mælinn og brá þá stöðumælaverðinum heldur betur í brún enda Eyþór tæplega tveir metra og tröll að vexti. 6 mínútur reyndust vera eftir á mælinum og baðst vörðurinn afsökunar á þessum hræðilegu mistökum og tók Eyþór það til greina. Ekki leið á löngu þar til eigandi bílsins kom út og þakkaði Eysa innilega fyrir björgunina, ekki fannst honum þó tilefni til að gefa honum laun fyrir erfiðið, það var Eysa ekki að skapi. En eins og alþjóð veit er af gyðingaættum og gerir ekkert ókeypis. Þegar Pizzurnar loksins komu voru Matgæðingarnir fjórir orðnir glorhungaraðir og hámuðu matinn snyrtilega í sig og líkaði þeim öllum maturinn vel. Prins Elli var þó ekki sáttur með svitastig sinnar pizzu en hún var úr öllu hófi sveitt, hún límdist meira að segja við botninn á kassanum. Ekki gat hann þó kvartað yfir bragðinu. Glaðir í bragði héldu gæðingarnir heim á leið, enn eitt ævintýri Matgæðinganna var senn á enda.

Stjörnugjöf:
Eysi Eðall = 3 ½ ,, ...ætt þegar maður er fullur”
Beggi Baquette = 3 ½ ,, ...jafnvel góðar í cosmísku samhengi”
Prins Ali = 2 ½ ,,ég er mömmustrákur”
Krissi Cowell = 4 ,, bestu skyndibitapizzur í Reykjavík”