Bara til að hafa það á hreinu þá er í lagi með Gæðinganna, atburðurinn hræðilegi sem átti sér stað 9. des er að baki og við erum tilbúnir að hefja störf að nýju.

Þennan örlagaríka dag 9. desember skunduðum við Gæðingarnir á Pizza 67 eftir íslenskuprófið. Ætlunin var að koma einhverjum stað á óvart með heimsókn okkar og tókst það svo sannarlega þegar við mættum á Pizza 67. Eigandinn var ekki lengi að taka við sér og bauð okkur gott tilboð fljótari en Gæðingur gat sagt “lu”. Hlaðborðið á staðnum var kannski ekkert til þess að hrópa húrra fyrir, en þeim til varnar var sú staðreynd að hlaðborðstíminn var búinn og maturinn búinn að kólna eilítið.
Ekki dró til tíðinda fyrr en Gæðingarnir settust niður í setustofunni bakvið matarsalinn og hófu rökræður um stjörnugjöf. Kom eigandinn þá aftur glaðbeittur og bauð Gæðingunum upp á kaffi og svaraði Bergur Baguette með hinum heimsfræga brandara:

“Nei takk ég drekk ekki kaffi, en ég skal þiggja kókaín.”

Hrein klassík þessi brandari og er viðeigandi við allar aðstæður, og mælum við með honum á ættarmótum og jarðarförum.
Hins vegar átti Bergur fá svör þegar starfsmenn Pizza 67 komu með kókaín í röðum handa Gæðingunum og buðu ókeypis smakk. Vesturbæingarnir Ellert og Eyþór sem kunna sér hóf voru sáttur eftir góða máltíð en Kristján og Bergur sniffuðu kókaínið eins og óðir hundar. Þegar Gæðingarnir komu svo út í bíl hafði frést meðal almúgans að þeir væru á Pizza 67 og beið reiður múgur eftir þeim fyrir utan staðinn. Reyndu þeir að velta bifreið Gæðinganna en offitusjúklingurinn Carlos Lupez Romero (borið fram “Karló Lúpei Rúmeró”), einkabílstjóri þeirra, kom sennilega í veg fyrir það. (sjá mynd)

Seinna um daginn gerðist síðan flugslysið örlagaríka sem þið lásuð eflaust um í seinasta pósti. Flugmaður og flugáhöfn létust eins og áður var sagt og vottum við fjölskyldum þeirra virðingu okkar, en hinn mikli harmleikur lá augljóslega í því að Gæðingasíðan var ekki uppfærð á meðan aðhlynningu stórstjarnanna stóð.

Viku seinna brugðu Gæðingarnir frá vananum og fóru út að borða á miðvikudegi í stað föstudags vegna prófloka. Allir féllu þeir á prófunum en sökum frábærrar einkunnar í matreiðslu fleytir það þeim gegnum árið. Í fyrstu var ákveðið að fara á Holtið og snæða þar en því miður hafði það borist um bæinn í formi sauðsvarts almannaróms og sjónarvottar báru vitni um að reiður múgur hafði safnast fyrir utan og fórum við því huldu höfði á Tryggvagötu og inn á hið fornfræga Grillhús sem hefur verið starfrækt þar árið 1994.

Plúsar og mínusar voru margir þannig að stiklað verður á stóru í þeim málum. Aðalplúsinn var hressi maðurinn sem tók á móti okkur og hrósaði matarvalinu okkar, ásamt matnum sem heillaði alla Gæðinganna uppúr skónum. Stærsti mínúsinn var án efa hinn mikli mismunur sem Grillhúsið gerir á milli reykingarmanna og þeirra sem reykja ekki. Glöggir menn sjá strax að eitthvað er staðurinn misþægilegur eftir því hvort borðað er á reykingarsvæðinu eða ekki. Þar eru þægilegir sófar og mun betri aðstaða til afslöppunar eftir máltíðina og til að fá sér kaffi- eða kókaíndreitil. Talandi um kókaín þá fór það eitthvað misvel í aumingja Kristján Cowell, sem heyrðist segja úti á götu að hann hafi skitið í sig í stærðfræðiprófinu. Hvort það tengist kókaíninu er ekki enn komið í ljós. Stjörnugjöf var eftirfarandi :