Gæðingurinn Bergur Baguette á gríðarstóran aðdáendahóp í Bretlandi. Loksins ákvað hann eftir milljónir fyrirspurna um að ferðast til Stóra-Bretlands og meta þá baguetta-menningu sem tíðkast þar í landi. Erfitt var að troða þessu inn í le "schedúel" enda er Gæðingurin Bergur ásamt hinum þremur upptekinn þessa dagana við að koma fjármálafyrirtækinu Gæðingurinn Inc. á markaðinn.

Bergur flaug auðvitað með Saga-le"bizznezz" klazz þar sem fluffur og aðrir minnipokamenn reyndu í hvítvetna að fá Berg með sér á eina ljósmynd eða tvær. Auðvitað var Bergur til í að sitja á nokkrum ljósmyndum en þurfti að lokum að klæða sig í dulargervi til þess að komast hjá frekari truflunum. (Bergur er til hægri)

Eftir að Bergur lenti í Bretlandi heimsótti hann fyrst heimsborgina Manchester og smakkaði þar dýrindis baguette sem komst næstum því í topp 10 listann hjá Bergi. Því miður var þetta baguette ekki alveg nógu dýrindis. Daginn eftir fór drengurinn til Liverpool borgar og fékk ekkert baguette þar enda var eini tilgangur þeirrar ferðar að heilsa upp á góðvin Gæðinganna, Rocky Balboa. Það fór vel á með Bergi og Rocky er þeir sátu saman í heiðurstúkunni á Goodison Park og horfðu á Íslendingaliðið Reading gera jafntefli við Everton.