Það var mikið um dýrðir í gæðingamáltíðinni föstudaginn 2.nóvember, enda ekki á hverjum degi (heldur hverjum föstudegi) sem gæðingarnir fara út að snæða saman. Ákveðið var að fá sinfóníuhljómsveit Íslands til þess að spila óskalög fyrir piltana og voru hlutar úr 3.sinfoníu Beethovens og 4.sinfoníu Brahms spilaðir við góðar undirtektir viðstaddra. Eftir þessa skemmtilegu uppákoma skunduðu 3 matgæðingar niður á Pizza Pronto, staðinn þar sem þetta allt byrjaði. Fyrir þá sem eru ekki alveg með á nótunum var Pronto fyrstu staðurinn sem Gæðingarnir snæddu saman á. Prins Ali sýndi enn og aftur að hann er algjör prins og kann enga mannasiði með því að beila konunglega á hinum þremur gæðingunum. Verður honum tímabundið vikið úr Matarfélaginu Matgæðingarnir^© og mun vinalegi rauðhausinn Harry taka við stöðu Ellerts þangað til að hann lærir hvernig á að haga sér. Hinum piltunum var auðvitað brugðið en létu þeir þetta ekki á sig fá og pöntuðu sér mat og settust að snæðingi. Ekki bætti það skap strákanna að einhver beygla ruddist fram fyrir Eysa Eðal og var hann gráti næst að öryggisverðir staðarins hafi ekki tæklað hana á sekúndunni. En þá var komið að aðalmálinu, rúsínunni í pylsuendanum, aðalréttinum, matnum! Bergur varð aldeilis hlessa þegar hann bragðaði á fyrstu sneiðinni ,,ojjj barasta, þetta er bara einhver massi með sósu, ullabjakk og svei svei!” sagði hann heldur ókátur. Hinir Matgæðingarnir tóku í sama streng og þótti þeim bragðið ekki tilkomumikið. Það er greinilegt að Pizza Pronto hefur ekkert þróast frá því gæðingarnir litu þangað inn síðast. Eins og sagt er í Pizza bransanum.