ólíver
Árið 1797 fæddist lítill drengur í lundúnarborg, móðir hans lést við barnsburðinn og vissi drengurinn aldrei um föður sinn. Eftir að hann strauk 10 ára af munaðarleysingjahælinu lenti hann í slæmum félagsskap gyðingsins Fagins og ýmissa pörupilta. Þar lærði drengurinn hina fornu list að dansa og tók sér eftirnafn eftir uppáhaldsdansinum sínum, tvistinu. Sem betur fer slapp Ólíver Twist úr ruglinu og gerðist kokkur. Eftir að hafa ferðast um heiminn í 208 ár og kynnt sér matarmenningu ýmissa þjóða ákvað Ólíver að opna veitinga/skemmtistaðinn og kaffihúsið Café Ólíver. Þó að Ólíver hafi á sinni löngu ævi kynnst Dalai Llama , Adolf Hitler, Alexander Graham Bell og snjómanninum ógurlega klökknaði hann þegar Gæðingarnir gengu inn á Café Óliver svo til fyrirvaralaust síðastliðinn föstudag.

Ólíver sýnir hér Twist-taktana.

Ólíver sendi valkyrjur til að taka pantanir gæðinganna en gerði matinn sjálfur.Gæðingarnir voru hæstánægðir með þessu konunglegu móttökur. Einnig voru þeir sáttir með að boðið var upp á hámenningarleg sælkerablöð og tímarit um allt það nýjasta í vínheiminum til að stytta sér stundir meðan beðið var eftir matnum. Einnig flutti söngflokkurinn Nylon nokkra vel valda tóna en hápunkturinn var klárlega þegar þær sungu ,,5 á Richter” ásamt gömlu kempunni Sigurði H. Richter. Maturinn var borinn fram á mjög svo frumlegum kassalaga diskum og kættust gæðingarnir við þetta og þá staðreynd að magnið á diskunum var ekki af skornum skammti.

Helmingur gæðinganna fékk sér CLUB-samlokur, einn fékk sér H5N1-borgara og sá síðasti BBQ-borgara. Voru gæðingarnir sammála um að maturinn bragðaðist snilldarlega vel og gekk Ellert svo langt að flytja allt verkið Macbeth eftir Shakespeare og vegna þess gátu gæðingarnir ekki mætt í enskutíma hjá heiðursfélaga sínum Sigga Palla en hann fyrirgaf þeim það auðvitað. Gæðingarnir áttu þó erfitt með að einbeita sér eftir að æstur múgurinn réðst inn til að berja gæðingana augum. Lífvörður gæðinganna Carlos Lupei Romero (borið fram Karló Lúpei Rómeró) náði þó með gríðarlegri líkamsþyngd sinni að ýta óeirðarseggjunum út og gátu gæðingarnir snætt nokkuð rólegir eftir það.

Eyþór með CLUB-samlokuna góðu
(eins og sést fór Eysi í Sprey-tan daginn áður)

Niðurstöðurnar urðu eitthvað á þessa leið:

Cowell: 4
Baquette: 3 ½
Eðallinn: 4
Prins Ellert: 3 ½  ¶ 7:18 f.h.