Matgæðingarnir létu óstöðugt ástand milli múslima og kristna manna ekki stöðva sig í að fara á Kebab-húsið síðast liðinn föstudag en eins og flestir vita er kebab, nokkrir múslimir og fugla-flensa allt að finna á sama stað, Tyrklandi. Það má því segja að Matgæðingarnir hafi brúað það ginnungagap sem liggur á milli þessara ólíku menningarheima með því að velja þennan stað. Spurst hefur að múslimir um alla jarðkringluna hafi tekið sér frí frá því að brenna danska fánan þennan ágæta dag til þess að samgleðjast yfir ákvörðun Gæðinganna og ef litið var til himins mátti glögglega sjá sjálfan Allah taka í hönd Guðs til að fagna þessum merka áfanga. Já, þeir Gæðingar láti hvorki helmúslimska Tyrki né fuglaflensu stöðva sig í að sinna störfum sínum.

Þegar á Kebab-húsið var komið virtist starfsfólkið vera í hálfgerðu móki vegna þess eins að berja Gæðingana augum og átti því erfitt með að taka niður pantanir þeirra rétt. En Gæðingarnir eru þó ekki yfir það hafnir að fyrirgefa mannleg mistök og létu þetta ekki á sig fá. Eyþór notaði tækifærið og læknaði nokkra kjúklinga af fuglaflensunni með lækningarmátt sínum og Kristján skemmti skrílnum sem safnast hafði fyrir utan staðinn með því færa hluti til með hugaraflinu einu.

Staðurinn sjálfur er látlaus og hálf ruslalegur að innan og frekar lítill en þar sem það var búið að loka honum fyrir almenningi gátu Gæðingarnir látið vel um sig fara. Það mætti vera aðeins snyrtilegra á staðnum því það er óþægilegt að þurfa að efast um hreinlæti þegar jafn framandi matur og hið tyrkneska kebab er borðað.

Þeir Ellert og Eyþór Gæðingar fengu sér að sjálfsögðu þjóðarrétt Tyrkja, קבב עוף (kjúklinga kebab), á meðan þeir Kristján og Bergur skitu konunglega upp á bak með því að panta hamborgara. Af matnum er það segja að kebabið var hæsta hak (sbr. engil-saxneska orðið top notch) en hamborgararnir algjörlega til skammar. Þeir voru framreiddir á litlum hvítum pappadiskum og hefur undirritaður séð lík af klæðskiptingi sem leit betur út. Að sjálfsögðu segir útlitið ekki allt en spilar samt stóran þátt í þeirri upplifun að borða matinn. Samkvæmt þeim Kritjáni og Bergi var hamborgarinn engan veginn fullnægjandi hvað bragð og gæði varðar og lét Kristján í ljós óánægju sínu með því að teikna mynd af Múhameð spámanni í staðinn fyrir að rita nafn sitt á kortakvittuninna. Bergur hins vegar sinnti kalli náttúrunnar á afgreiðsluborðið en það mætti segja að það sé orðið vörumerki hans.

Á heildina litið var staðurinn ágætur, kebabið var bragðgott og myndi undirritaður hiklaust snæða þarna aftur þó að ekki sé hægt að mæla með hamborgurunum. Gæðingarnir gáfu eftirfarandi:

Bergur: 1 stjarna
Ellert: 3 stjörnur
Eyþór: 3 stjörnur
Kristján: 3 stjörnur