,,Engi hornkerling vil eg vera” sagði Hallgerður Langbrók svo eftirminnilega hér um árið. Þótti okkur félögunum þetta merkilegt og ákváðum því að kíkja á þann nafntogaða veitingastað Hornið. Við skunduðum í þessum tilgangi niður á Hafnarstræti 15 eftir skóla síðasta föstudag glaðir í bragði. Birki Veigars var formlega fyrirgefið síendurtekið beil og fékk að vera gestadómari dagsins, Birkir grét úr gleði og kyssti skó meistaranna. Þegar gæðingarnir mættu á Hornið rétt rúmlega hálf þrjú hafði mikill mannfjöldi safnast saman, fólkið söng söngva til heiðurs matgæðingunum og veifaði fánum og heimatilbúnum skiltum. Strákarnir sýndu hve miklir alþýðumnenn þeir eru og veifuðu mannfjöldanum sem hreinlega trylltist úr gleði, brutust þá út litlar óeirðir en lögreglan var fljót að dreifa mannfjöldanum með táragasi og skriðdrekum. Sjö létust og á annan tug slösuðust. Ekki létu gæðingarnir þetta á sig fá og settust þeir inn á þennan bráðhuggulega stað og létu vel um sig fara. Pöntuðu þeir sér allir flatbökur, enda hafði góðvinur þeirra Siggi Hall mælt með Pitsum staðarins. Ekki brást Hallanum bogalistinn frekar enn fyrri daginn og brögðuðust þær þónokkuð vel. Þjónustan var nokkuð góð þrátt fyrir að þjónustustúlkan hafi starað helst til mikið á stjörnurnar. Umræðurnar við borðið voru heitar og sitt sýndist hverjum, það var fyrst þegar byrjað var að ræða um kynskiptinga sem að Eyþór Magnússon rankaði við sér. Hann jós lofi yfir kynskiptinga og talaði mikið um fegurðarsamkeppni kynskiptinga og kynvillinga. Þótti mönnum þetta ekki mjög grunsamlegt fyrr en fyrrnefndur Eysi Eðall ruglaðist gífurlega í ríminu þegar hann ætlaði að ganga til föðurhúsanna, ekki vildi betur til en að meistarinn gekk beint inn á kvennaklósettið. Eftir þetta vægast sagt vandræðilega atvik hafa fjölmiðlar mikið spekúlerað í raunverulegu kynferði Eyþórs og hefur breska götublaðið The Sun jafnvel gengið svo langt að sýna myndir af Eyþóri sem konu. Enginn matgæðinganna hefur tjáð sig við fjölmiðla. Þegar út var komið voru gæðingarnir sáttir, allir með tölu. Reyndar þótti þeim þessar ágætu flatbökur fokdýrar. Stjörnugjöf má nálgast hér til hægri

Bless og Takk

og Ekkert Snakk