Dráttur dagsins!

Í dag héldum við og félagi okkar Casio fx-350 á vit ævintýranna og ákváðum að halda dráttinn á Prikinu. Því miður hafði svo mikið af fólki safnast saman til að sjá dráttinn að einn meðlimur gæðinganna átti erfitt um vik að komast að dráttarborðinu (Krissi Cowell) og því þurfti að fresta drættinum, en sem betur fer var hinn hvíti tvíburabróðir 50 cent mættur á svæðið, sem er víst þveröfugur hnakki, og skemmti skrílnum meðan beðið var með rappslögurum bróður síns, en eins og alkunnugt er er fólkið sem sækir Prikið mjög hip-hop sinnað.
Að lokum komst ró á mannskapinn þegar óður maður með blátt svitaband fór að dansa á sviðinu og gafst þá tími til að munda Casioinn og sýndi hann okkur ekkert annað en INDÓKÍNA. Þetta indókínverska veitingahús á Laugarveginum verður því okkar næsti áfangastaður en strax verður farið út í það að skreyta staðinn til að heilla Gæðinganna, forvitnir geta farið á staðinn á morgun og dáðst að hinum fjölmörgu Búdda-styttum og asísku fórnarmeyjum en á föstudeginum verður honum að sjálfsögðu lokað þegar Gæðingarnir mæta í heimsókn.

Birkir Veigarsson er næstur á biðlistanum fyrir gestadómara og fer hann í lyfjapróf á morgun á slaginu 12:00. Þeir sem hafa áhuga geta horft á VHS 1 en þar verður bein útsending frá lyfjaprófinu eða stillt á FM 93,2 á útvarpinu sínu. Nú hafa 2 einstaklingar í röð fallið á lyfjaprófinu og þolinmæði Gæðinganna algerlega á þrotum. Þeir sem ekki vita hvernig lyfjaprófið fer fram þá fylgir hér með stutt verklýsing:

Viðkomandi er látinn pissa, æla og kömma í svartan sekk.
Sekkurinn er látinn yfir “lu ritual fire” sem er kyntur með stærðfræðibókum MR.
Pípetta er látin ofan í sekkinn sem er tengd í búrettu sem safnar reyk inní kolvu.
Þar birtist annað hvort grænn reykur eða brúnleitur reykur.
Grænn reykur þýðir að viðkomandi hafi fallið á lyfjaprófinu; brúnn ef hann stenst.

Ath. að þetta á alls ekki að reyna nema að einhver Gæðinganna sé viðstaddur athöfnina.

Sjáumst á Indókína!  ¶ 3:12 f.h.