Jæja, þá er komið að því að segja frá því er matgæðingarnir snæddu eldbakaðar flatbökur á Eldsmiðjunni. Einhver misskilningur hafði átti sér stað um komutíma gæðinganna og var hvorki búið að opna staðinn né koma fyrir rauða dreglinum þegar við mættum og setti það stórt strik í reikninginn. Það kom þó ekki að sök því nokkrum mínútum seinna var okkur hleypt inn og um leið hófst ævintýraferð fyrir skilningarvitin.

Af staðnum sjálfum er ekkert nema gott að segja, svolítið kalt en samt mjög huggulegt andrúmsloft og prýðis þjónusta og ekki er hægt að kvarta yfir ljóshærðu elskunni sem labbaði einu sinni framhjá okkur, ábyggilega til að skoða gæðinganna, en ég er ekki frá því að hún hafi blikkað mig. Það var stutt bið eftir matnum sem var alger snilld en þeir hjá Pizza King gætu lært heilmikið af smiðjunni.

Eldsmiðjan, sem er heimsþekkt fyrir snilldar pítsur og eiturlyfjasölu stóð fyrir sínu og varð enginn fyrir vonbriðgum. Rúsínan í pylsuendanum voru síðan "le gratís" brjóstsykrar sem var búið að koma haglega fyrir í pizzakassa og allir gátu gætt sér á, alger snilld! Það var hins vegar Bergur sem gerði enn og aftur skandal ferðarinnar en hann hefur einmitt verið þekktur fyrir að leysa hægðir á hin ýmsu borð. Í þetta skiptið rann hann í hálkunni og datt kylliflatur og tapaði algerlega kúlinu og hefur ekki séð það síðan. Stjörnugjöf má síðan nálgast hér til hægri á síðunni.